نبارك لكيك ياتسنيم *** جديدك وروعة المحفل – الشاعر زروق العوض

08/02/2016 د. مريم الصادق المهدي التعليقات على نبارك لكيك ياتسنيم *** جديدك وروعة المحفل – الشاعر زروق العوض مغلقة
الحبيبة الدكتورة مريم المنصورة الصادق المهدي حفظها الله ورعاها نائبة رئيس حزب الأمة القومي والقيادية بقوى نداء السودان
الحبيبة الدكتورة مريم المنصورة الصادق المهدي حفظها الله ورعاها نائبة رئيس حزب الأمة القومي والقيادية بقوى نداء السودان

نبارك لكيك  ياتسنيم   

جديدك وروعة المحفل ..
ولمة  ناس عزاز بلحيل
معاك الفرحة تتكمل. ..
ونهديك  باقة من ازهار 
مضخة باريج  الفل ..

معتقة بعطور ياسمين 
شذاها يعانق الصندل ..
ويتمدد فرح دفاق 
يلاقيك تاني من اول ..
ويسعد بيك تملي معاذ 
معاك افراحه تتكمل..
تجملي بيهو ازمانك
وبيك ازمانه تتجمل ..
ربط بينكم رباط الدين
رباط الدين قوي واشمل ..
مودة ورحمة واطمئنان 
على سنة شفيع الكل ..
تعيشو البهجة والافراح
وترسمو احلى مستقبل ..
وتجيك زغروده من عرفة 
بشارة فالك الأول . .
تحييك درة السودان 
منصورة المكانه زحل ..
عصية على الشموليين
أبية وفية قول وعمل..
يالمنصورة ليك شاكرين
زيارتك لينا فال وأمل ..
زفافك روعة يا تسنيم 
وعشك بادئ كالمخمل..
معاك يفرح حبيب الروح
ابو السيد الوفي الاجمل ..
ابوك فخر السبيقيات
ابوك في الحارة ماتبرجل ..
ركز ساعة الكلام الجد 
ثبت في قولو مابدل ..
تعال نتصفح التاريخ 
نقيف لحظات ونتامل. .
حكاية المهدي والانتصار 
وقصة جيشهم الجحفل ..
نشوف أجدادنا في ابوطليح
صمود وثبات محال يحصل. .
وود كباشي في كرري 
وقف للجلة ماتزلزل …
ونحنا على الخطى نمشي 
مع الصادق الثباته جبل..
ابو ام سلمة الجسور وعنيد
جزم لمواقفه ما بدل ..
دوام نحرس مشارع الحق 
وعن واجبنا لا نغفل …
نزيل بؤر الفساد والجور
ونرفع لظلم طول ..
نهد ركن الضلال والزيف 
نؤسس لحكم أعدل …
ونمسح دمعة المحزون
ونهدي الناس وطن اجمل..
عقب تسنيم عليك مبروك 
غيوم فرحا سحابه هطل…
زروق العوض أحمد 
ام درمان 4 فبراير 2016