قصيدة جديدة للشاعر مدني النخلي : امسيتي كيف يا مريم

امسيتي كيف يا مريم

 مدني النخلي

امسيتي كيف يا مريم

 الفكره. البلد…

سبحانو من اداك مفاتيح

 الوعد…

 جلعك بقدرة قادر القواك

 علي الهم والجلد

 يا مارقه من هم البيوت

الصابره والصمت المخيف

 امسيتي كيف.

 ياغيمه جايه من العشم

متوسمه الخير والخريف

 امسيتي كيف..

 والشارع العازمك صهيل

 راجيكي في الوعد الوريف

 شدره وصريف

 مويه ورغيف

 ريحا. عنيف

 تفتح مغاليق الدروب

 وامسيتي كيف

يا مريم الفكره

 البلد….

 بقت. مريم

 بقت. مريم حفيده جد رفع

 راس البلد عالي

 بقت تاريخ نارخ بيهو سيرة

 حواء للزمن البجي وتالي

 بقت باسمنا تنادي

 مطيره خيرعلي الوادي

 تمرق من فجاج الضوء

 وتسمع صوتا في الرادي

 تفيق رافعاﻻ شارة نصر

 تطل بي شوفا

 عابره القصر

 ما هاميها قيد او اسر

 حقيقه الخيل..ثبات الليل

 و اهل الحاره بتنادوا

 فيا مريم صباحك خير

 بلدك جايه اعيادو

 هديل الناس

 واهل الساس

 شدادالباس

 صباحام هل ميعادو

علي باب الزمن واقفين

.وطنك يعيدو امجادو.