الحبيبة د. مريم المنصورة الصادق المهدي في ضيافة بدون رصيف

 

برنامج بدون رصيف

تقديم: الأستاذ محمد موسى

موضوع الحلقة: مدينة أم درمان

ضيوف الحلقة:

*** الحبيبة الدكتورة مريم المنصورة الصادق المهدي نائبة رئيس حزب الأمة القومي للعلاقات الخارجية والدبلوماسية والقيادية بقوى نداء السودان.

*** الأستاذ الإعلامي يوسف قباني

*** الأستاذ الفنان يوسف البربري

مواعيد البث: إعادة لسهرة الأحد 4 يونيو 2017 – الإثنين 5 يونيو 2017

قناة الشروق الفضائية

*******

الأستاذ محمد موسى: مرحب بكل البتابعونا عبر شاشة الشروق الفضائية في لقاء جديد من بدون رصيف، ونقول بدون حواجز، نطوف عبر الوطن الحبيب نتعرف على كل منطقة، طبيعتها، إنسانها، عاداتها، تقاليدها، موروثها الثقافي والأدبي والفني. الليلة ما مشينا بعيد، أنحنا قريب إذا قلنا مركزنا الخرطوم والحركة قريبة جداً جداً، حنمشي لواحدة من أكبر المدن في السودان، نعتبرها عاصمة السودان التاريخية، ألا وهى مدينة أم درمان. والحديث عن أم درمان يقول ويقول ويقول، ولكن نحاول نجيزه في حلقة مبسطة بقدر المستطاع نغطي فوقه كل ملامح أم درمان. أنا سعيد جداً الليلة ضيوفي حيكونوا من أبناء أم درمان يقدروا يتحدثوا عنها بمعرفة، سعيد جداً تكون ضيفة عزيزة علينا الدكتورة مريم الصادق المهدي، مرحب بيكي يا دكتورة.

الحبيبة د. مريم المنصورة: مرحب بيك يا حبيب ومرحب بكل ضيوفك ومشاهديك والمشاهدات وكل عام وإنتو بخير.

الأستاذ محمد موسى: وأنتي بألف خير. وايضاً أسعد بإستضافة الأستاذ الإعلامي الكبير يوسف قباني، مرحب بيك يا أستاذ.

الأستاذ يوسف قباني: أهلاً بيك وإن شاء الله نكون أنا والدكتورة لطيفين عليكم.

الأستاذ محمد موسى: الله يديكم العافية، ياهون ديل ناس أم درمان دايماً كدة. ايضاً أسعد على الهو مصاحبنا، النغم الطروب، الأصيل، الفنان المعروف يوسف البربري، يوسف مرحب بيك.

الأستاذ يوسف البربري: يا حبابك ألاف، سبب المحنة ما سمح.

الأستاذ محمد موسى: الله يديك الصحة والعافية.

الأستاذ يوسف البربري: عبر شاشة الشروق بنقول للناس كلهم كل سنة وإنتو طيبين وخشوا معانا أم درمان شوفوا أم درمان دي جميلة كيف.

*******

للأسف الشديد وخارج عن الإرادة فقدنا بضع دقائق من الحلقة نسبة لضعف الإنترنت أثناء التسجيل مرتين، فلكم العتبى حتى ترضوا.